(d. BEF 1576)
(b. BEF 1559, d. AFT 1612)
It has been difficult to determine his dates. Citations include: 1598, sale to Michel Frossard (Jaques Richard, notary). Marriage contract 01 nov 1579 (Jean Jaqueri, notary), proving several relationships within the family:
Contract de mariage faict entre Abraham Faucherre de Bussy d'une part, Et Antheine Trolliet sa femme d'aultre.
Au nom de dieu Amen, A tous presents et advenirs soit chose notoire et manifeste, Que traict� de mariage a est� faict, promis et jur� d'accomplir et observer sellon la saincte ordonnance de Dieu les bons us et coustumes de Mouldon, Entre honnorable Abraham fils de feu Jehan Faucherre de Bussy traictant � son nom propre d'une part, Et Anthoine fils de feu Claude Trolliet de [Seigneux] et Claude fils de feu Vuillesme Trolliet de Seigneux traictant et agissants au nom et pour la part de Antheine leur seur et cousine d'aultre, Et pour contemplation duquel mariage et affin que de tant mieux il puisse sortir son effect, les prenomm�s Anthoine et Claude Trolliet donnent, constituent et ordonnent � la susnomm� Antheine leur seur et cousine pour tout son mariage et dotage, part, partage, portion canonique et legitime division � elle competante et appartenante en tous et singuliere ses biens meubles et immeubles presents et advenirs [marginal insertion: paternels, maternels et fraternels] quelconques, Assavoir la somme de trois cents florins de savoye. Item, et pour son trossel et vestiments tel et semblables que est� constitu� et ordonn� � Marie sa seur mari� a Claude Faucherre de Bussy, payable l'argent � us de mariage et par les termes que les mariages sont accoustum�s et usit�s d'estre pay�s sellon lesdicts bons us et la reste promptement pour le jour de leurs nopces, Et d'aultre part ledict Abraham Faucherre espoux advenir dudict mariage se rejouissant et en plus grande contemplation d'iceluy donne, constitue et ordonne � ladicte Antheine son espouse pour l'augmentement et accroist dudict mariage, A S�avoir la somme de cent et cinquante florins de savoye, lesqueux avec lesdicts trois cents florins de mariage affin que au temps advenir ne se perdent et discippent pour ladicte Antheine son espouse, ains � elle et aux siens soient asseur�s et commod�s les luy assigne, affecte et pose � debvoir par elle ou les siens exiger et recouvrir en bonne paix et sans proces en cas de restitution, sellon predicte coustume generallement (?) sus tous ses biens meubles et immeubles presents et advenirs quelconques, Avec divestitures, investitures et promesse de bonne maintenance et guerence d'iceux ledict cas advenant. Aussi promect ledict Abraham espoux de l'enjoyeller ladicte Antheine son espouse pour le jour de leurs nopces de bons et congrues joyaux nuptiaux sellon son estat. Promectants donc toutes lesdictes parties contractantes ungchacuns estant que le faict luy attouche par leur bonne foy et soub l'obligation de tous leurs biens meubles et immeubles presents et advenirs quelconques le present contraict de mariage et toutes les choses en icelluy contenues et escript�s avoir et tenir pour agreables, stables, fermes, bonnes et vallides sans jamais y contrevenir en maniere que se soit au temps advenir. Soub promis de rendre et restituer tous dommages, coustes, missions et interest � deffault survenants, Renonceants finalement � toutes et singulieres reconciations � ce de renonces requises, Mesmement au droict disant la generalle renonciation valloir si la specialle ne procede, En vigueur tesmoinage aussi corroboration desquelles choses les prenomm�s parties contractantes ont promet, requis aux presents estre mis et appendu le seaul du balliage de Mouldon avec le signet manuel du notaire jur� soubsign�. Donn� le premier jour du mois de novembre l'an courant mil cincq cents septante neuf, presents honnorable Claude du Tey, Thomas du Tey de Chavanes, Fran�ois et Claude Foresty de Thierrens, Pierre Germon de Vuarmarens et plusieurs autres tesmoins � ce requis et demand�s.
Quictance de mariage pour honnorable Anthoine fils de feu Claude Trolliet et Claude fils de feu Vuilliesme Trolliet de Seigneux contre Antheine leur seur et cousine femme de Abraham Faucherre de Bussy.
Je Antheine file de feu Claude Trolliet de Seigneulx femme promise et jur�e de Abraham Faucherre de Bussy fais s�avoire � tous presents et advenirs que je tant comme scachante et bien advis�e sans aulcune contraincte tromperie sediction frauld ny barrat ains de ma certaine science et spontann�e volont� aussi de mes droicts tiltres et actions en ceste partie bien applain [=� plein] inform�e et certior�e pour moy mes hoirs et successeurs quelconques, toutefois de loud (?) vouloir auct[orit�] (?) et consentement dudict Abraham mon marry icy present consentant et pour les choses soubescriptes faire et passer maintenisant ce que je ledict Abraham confesse estre vray, j'ay quict� comme par icestes quicte et habandonne perpetuellement et irrevocablement et ainsy comme mieux et plus seurement une telle quictance se peult et doibt faire, a dict de juristes legitimmement le confesse iceux devant nomm�s Anthoine et Claude Trolliet mes frere et cousin icy presents stipulants et recepvants pour eux leurs hoirs et successeurs quelconques, Ascavoir generallement tous et ungchacuns mes biens paternels maternels et fraternels meubles et immeubles presents et advenirs quelconques, Reserv� toutesfois � moy et es miens que dessus la loyalle escheute si elle advient au temps futur, Est est faicte la presente et perpetuelle quictance et habandonnation pour et moyennant la constitution � moy par mesdicts frere et cousin faicte de la somme de trois cents florins de savoye, trossel et vestements ainsy par lesdits mes frere et cousin ordonn�s pour tous droits part partage portion et legitime division � moy competans et appartenans et qui me peulvent et debvoir competir et appartenir en tous et singuliers mes biens paternels maternels et fraternels meubles et immeubles quels qu'il soient, lesqueux je confesse avoir heus et receus desdits mes frere et cousin, dequoy les quicte et les fais (?) leurs par ces presentes faisant pasches (pactes?) expresses et formeles avec lesdits mes frere et cousin de non alienner des choses par moy sus quict�es � eux ny es leurs receu demander ny querelles en fa�on que ce soit, lesquelles choses sus contenues et escriptes je le devantnomm� Abraham Faucherre marry de ledicte Antheine confesse estre par elle de mon vouloir auctorit� et consentement faictes et pass�es icestes louant et ratifffiant, En promectant pourtant nous lesdicts conjoincts quictateurs mesmement je ladicte Antheine de l'auctorit� predicte pour nous nos hoirs et successeurs quelconques par nos serments et sous l'obligation de tous nos biens meubles et immeubles presents et advenirs quelconques la presente quictance et toutes les choses en icelle contenues avoir agreables, stables, fermes et vallides et icelle perpetuellement guarder, observer � accomplir sans jamais y contrevenir par nous ny autlres � nos noms ny aux contrevenans consenter ains et iceux toutallement joindre (?). Soub restitution de toutes coustes et missions survenantes par le deffault de n'avoir observer les choses sus contenues et escriptes et promises d'observer et accomplir non observ�s ny accomplies, En reminicens (?) de nos certaines sciences nous lesdicts quictateurs compromis (?) je ladicte Antheine de l'auctorit� premise � tous droicts loix us status constinnes (?) � toutes exceptions allegations oppositions cancellations finesses et cancelles par le moyen desquels ou desquelles nous pourrions � ces presentes contrevenir et concedir, maximement au drioct etc. Et en vigueur etc. Donn� les jour an et en presence que dessus.
